Trupult at tendra kolið? Og heldur tú ikki at tú hevur tamarhald á hitanum og tíðini? Tað er bara nakrar av avbjóðingum við eini kolgrill, ið tú ikki hevur við gassgrillini

Vit kenna øll avbjóðingina við at tendra kolgrillina. Og bíðitíðina eftir at kolið gerst heitt. Gassgrillin gerst alsamt betri umtókt í teimum føroysku húsarhaldunum. Harumframt eru fleiri og fleiri matstovur farnar at nýta gassgrill í køkinum. Hevur tú verið á matstovu, og fingið ein leskiligan búff, eru sannlíkindini fyri at hann er grillaður á gassgrill stór.

Les víðari, og gerst klókari uppá fyrimunirnar við gassgrillini.

Kom gott ígongd

Fyri at koma ígongd við gassgrillini, krevst sjálvandi ein gassfløska. Tær fáast í ymsum støddum, alt frá dósum á 200 gram til fløskur á yvir 30 kg. Vanligt er at hava fløskur á 5 ella 10 kg til húsarhaldsbrúk. Ein fløska á 10 kg er nokk til uml. 20 grilltímar.

Tankin um at brúka gass er ræðandi fyri summi. Men sum við so nógvum øðrum, so skalt tú bara fylgja vegleiðingini, og tú ert í tryggum hondum. Fløskurnar er lættar at seta til og taka frá, og eru útgjørdar við trygdarventili.

Føroyska veðurlagið er mangan svikaligt, og tí skal avgerðin um at grilla ofta takast í eini handavend. Tá er hent við eini gassgrill. Hon tekur bert fáar minuttir at hita. Gasgrillin er til tín, ið vil hava fult tamarhald.

Tamarhald á hitanum

Ein annar fyrimunur er at tú hevur tamarhald á hitanum. Tú kanst skifta frá lágum til høgan hita uppá nøkur fá sekund. Hetta er eins og við einum vanligum komfýrið.

Lættari, skjótari og stuttligari

Fleiri síggja fyrimunirnar við einari gassgrill, fram um eina vanliga kolgrill.

Taka vit samanum, kunnu vit í stuttum siga:

• Løtt og skjót at tendra – gassgrillin er skjót at tendra. Tað tekur bert fáar minuttir, so er klárt at grilla. Harumframt fyllir ein gassfløska minni, enn samsvarandi nøgd av kol.
• Tamarhald á hitanum – Tað er lætt at stýra hitanum á gassgrillini. Skalt tú grilla pylsur ella búffar, skal nógvur hiti til, meðan tað skal lægri hiti til eitt nú eina steik. Við gassgrillini hevur tú fult tamarhald á hitanum, og kanst tí gera fjølbroyttan mat.
• Løtt at vaska – tá tú ert liðug/ur at grilla, er gassgrillin løtt at vaska. Tú sleppur undan at køla og beina burtur kol og øsku. Tað skalt bert vaska feitt og matleivdir, og tryggja tær at brennararnir ikki tippast.

Vit vóna at tú við hesi stuttu vegleiðingini hevur fingið eitt sindur meira vitan um fyrimunirnar við gassgrillini. Ert tú í iva, kanst tú altíð koma inn í handlar okkara, og biða um meira vegleiðing.

Vilt tú vita meira um kolgrill ella el-grill, kanst tú lesa meira um tær her.